صور جابلتى الضغط

ونبدأ أولى مشاركاتنا
وقلنا نبدأ بالصور قبل الكتابة
أصلى بحب الصور
وبالذات اللى تجيب الضغط وتشل الواحد

شاشة فلات ..رؤية 180 درجة

السباك ده من الحته عندنا وأنا عارفه ..شغله متميز
هو الماوس يعنى هيعيش طول عمره ..
عادى وانت معدى على أقرب ميكانيكى يبقى اشترى واحد

المحل ده أنا عارفة ..ده فرع شركة الكفار للاتصالات
نوايا تسند الزير
يارايق انت يا معلم
صاحبنا قعد فى ليبيا 3 أشهر وراجع حمل
سودا ايه ياعم الحج ..دى زى الفل
مصر بلد الأمن والأمان..
ياه ..المنهج كله ..بس الواد خطه حلو
مياه ساقعه معدنيه ومكيفه
طب يعملو ايه
ياه ..خصم جامد جدا
هو فين المعلم ده
العيلة ده مبتلبسش غير شرابات

توكيل المصرية للاتصالات
لوسمحت..فولى العربية برسيم
لا تعليق
عليه الصلاة والسلام
مسااااااااااااء الخيييييييييييييييير


طب أعمل ايه ..أقف ولا أمشى

حريم وmale
طب افتح يا سمسم

ياااااااااااااااااااه.. اخيرا لقيت الزرار اللى قارفنى بيه فى كل حته
الكاميرا الخفية

والى اللقاء قريبا مع تدوينات أخرى

هقول ايه غير اللى بيقولوه فى أول موضوع ...ضربة البداية

طبعا يا جماعة أنا مش او واحد يدون ولا آخر واحد .
.بس كل مفتح الماسنجر ألاقى كل واحد فرحان ومزقطط بالبلوج بتاعة وعمال يبعت للناس اللينك اللينك ..تقولش خلاص ..طه حسين ولا يوسف السباعى اللى بيكتب ...
قلت بينى وبين نفسى واشمعنى أنا ..مكتب أنا كمان بدل منا قاعد كده
طبعا هتسألو ليه اسم المدونة الغريب ده ..جبتولى الضغط
رغم انى مشهور بعدة أسامى كتيرة جدا
بس معرفش ده اللى دخل دماغى

أنا هقولكوا ايه الحكاية
أولا أنا ..احم احم ..بيقولوا عليا هطلع دكتور (عارفين بقى النفاق اليومين دول ..أنا أخرى ألبس سماعة فى ودنى )
فقلت أجيب حاجة ليها علاقة بالمهنة
ثانيا : الحمد لله الحمد لله ..الكلية حبت تسيب بصمة فى حياتى أفتكرها على طول فقبل مخرج منها جالى الضغط ..طبعا مش بسببها بس أنا بتحجج بيها (الكلية والقرف وأوعى حد يجبلى سيرتها أصلها بترفع عندى الضغط)
ثالثا : يمكن اللى بيحصل حواليا من انشطة وشغل و حاجات خارجية وأعمال تطوعية (جايز ..رغم ان ده أحلى حاجة حصلتلى فى حياتى ويمكن هيا اللى بتخفف عنى رغم المشاكل والصراعات اللى بلاقيها فيها بس بحبها)
رابع:
وهو ده الأهم مفيش دكتور لحد دلوقتى عرف السبب اللى يقول وراثى ..آه وراثى... أصل تلاقى مرات بنت خال طنط فيفى أم الراجل صاحب الماركت اللى قدام منى عندها الضغط وأنا اتعديث منها وراثى ..
واللى يقول أصل الكلاوى تعباه وأعمل أشعة ألاقيها زى الفل
واللى يقول الكبدة وساعات الفشة و آخرهم اللى قالى عشان بتمشى حافى فى البيت
قلت يحرقكم كلمكم .....جبتولى الضغط
مش عايز منكوا حاجة ...أنا هعرف السبب لوحدى
هحكى اللى بيحصلى ويمكن حد فيكم يعرف السبب
طبعا أنا مش زعلان من حاجة زى كده ..كله بأمر الله ..بس هنعمل اللى علينا
والدكتور قاللى ابعد عن السمين مع أنى مش تخين قوى ...قوى (!!!طبعا دنا حتى لما بكون فى حته محدش بيحس بيه )
قاللى بلاش ملح (قلت مبحبوش أساسا دنا حتى بحب الكركدية دلع)
قاللى أوعى حد يضايقك أو يزعلك أو ينرفزك ...أديكوا سمعتوا ..اللى على لسانه كلمة وعايز يقولها يعمل حسابه
وقلتلو يا دكتور دنا حتى هادئ ووديع كالحمل بالظبط (كالحمل مش الحامل)..

وطبعا العيلة هنا عملت عليا دكاترة كلها (بلاش سمك ولا بيض ولا لبن ولا عرقسوس ولا تمر هندى ولا سحلب ولا رز بلبن ولا موز ولا ميه ساقعة ولا لحمة ولا بوفتيك ولا مكرونة ولا بسلة ولا رز ولا عيش ولا شاى ولا قهوة )
قلت ماشى مفيش مشكلة انما يقولوا السودانى ...قلت لا لايمكن لحد كده وكفاية ...جبتولى الضغط

عالعموم أتمنى انكم تقضوا أحلى وقت معايا فى مدونتى وان شاء الله تبقى عند حسن ظنكوا
وكفاية كده ..جبتولى الضغط
وهنحكى مواقف ونشوف فيى الآخر ليا حق فى اللى بيجرالى ولا لا

للحديث بقية مادام للعمر بقية
أشوفكم بعدين